Çıxış axınları

1. OutputStream sinfi

Daxil axınları ilə artıq tanış olduq. İndi isə çıxış axınları barədə danışmaq vaxtıdır.

OutputStream sinfi, baytlı çıxışı dəstəkləyən bütün siniflərin ana sinfidir. Bu abstrakt sinifdir və özü heç bir şey etmir: bunun üçün hər vəziyyətə uyğun mirasçı sinifləri var.

Çətin səslənir. Daha sadə desək, bu sinif baytlarla işləyir, məsələn, simvollar və ya digər data tipləri ilə yox. Onun abstrakt olduğuna görə, adətən onu yox, onun mirasçı siniflərindən birini istifadə edirik. Məsələn, FileOutputStream və ona bənzər siniflər.

Amma qayıdaq OutputStream sinfinə. Bu sinfin bütün mirasçı siniflərinin reallaşdırmalı olduğu metodları var. Onların əsasları:

void write(int b)

void write(byte[] buffer)

void write(byte[] buffer, off, len)

void flush()

void close()

Mirasçı sinif InputStream-in obyektini yaradarkən adətən InputStream-in data oxuduğu mənbə obyektini göstərmək lazımdır. Mirasçı sinif OutputStream-in obyektini yaradarkən isə adətən dataların yazıldığı hədəf obyekt və ya axın göstərilir.

Qısaca OutputStream sinfinin bütün metodları haqqında:

write(int b) metodu

Bu metod çıxış axınına bir bayt (int deyil) yazır. Keçirilən dəyər bayt tipinə gətirilir, ilk üç bayt atılır.

write(byte[] buffer) metodu

Keçirilən bayt massivini çıxış axınına yazır. Vəssalam.

write(byte[] buffer, int offset, int length) metodu

Keçirilən bayt massivinin bir hissəsini çıxış axınına yazır. offset dəyişəni massivdəki ilk elementin nömrəsini göstərir, length isə yazılacaq fraqmentin uzunluğunu göstərir.

flush() metodu

flush() metodu, cari axında keşlənə biləcək dataları hədəf axına məcburi yazmaq üçün istifadə olunur. Bu metod buferizə və ya bir neçə axın obyektindən istifadə zamanı aktualdır.

close() metodu

Axını bağlayır və bu axınla əlaqəli olan bütün sistem resurslarını azad edir. Siz try-with-resources istifadə etdiyiniz halda close() metodunu çağırmaya bilərsiniz.

Nümunə — faylın surətinin çıxarılması

String src = "c:\\projects\\log.txt";
String dest = "c:\\projects\\copy.txt";

try(FileInputStream input = new FileInputStream(src);
FileOutputStream output = new FileOutputStream(dest))
{
   byte[] buffer = new byte[65536]; // 64Kb
   while (input.available() > 0)
   {
      int real = input.read(buffer);
      output.write(buffer, 0, real);
   }
}

2. Writer sinfi

Writer sinfi OutputStream sinfinin tam analoqudur, lakin bir fərqlə: o, bayt əvəzinə char simvolları ilə işləyir.

Bu abstrakt sinifdir: Writer sinfinin obyektini yaratmaq olmaz. Onun əsas məqsədi yüzlərlə irsi sinif üçün ümumi metodları təyin edən vahid valideyn sinif olmaqdır.

Writer sinfinin (və onun irsi siniflərinin hamısının) metodları:

void write(int b)

void write(char[] buffer)

void write(char[] buffer, off, len)

void write(String str)

void write(String str, off, len)

void flush()

void close()

Bu metodlar OutputStream sinfinin metodlarına çox bənzəyir, lakin baytlarla deyil, simvollarla işləyir.

Metodların qısa təsviri:

write(int b) metodu

Bu metod axına bir char simvolunu (int deyil) yazır. Ötürülən dəyər char tipinə çevrilir, ilk iki bayt atılır.

write(char[] buffer) metodu

Ötürülən simvollar massivini axına yazır.

write(char[] buffer, int offset, int length) metodu

Ötürülən simvollar massivinin hissəsini axına yazır. offset dəyişəni massivdəki ilk elementin nömrəsini, length isə yazılacaq hissənin uzunluğunu təyin edir.

write(String str) metodu

Axına ötürülən sətiri yazır.

write(String str, int offset, int length) metodu

Axına ötürülən sətirin bir hissəsini yazır: sətir simvollar massivinə çevrilir. offset dəyişəni massivdəki ilk elementin nömrəsini, length isə yazılacaq hissənin uzunluğunu təyin edir.

flush() metodu

flush() metodu mövcud axında saxlanılan məlumatları məcburi olaraq hədəf axına yazmaq üçün istifadə olunur. Bu, buferləşdirmə və/və ya bir neçə axın obyektinin zəncirlə təşkil olunduğu hallarda aktualdır.

close() metodu

Axını bağlayır və bu axınla əlaqəli bütün sistem resurslarını azad edir. Əgər try-with-resources istifadə edirsinizsə, close() metodunu çağırmaq lazım deyil.

Mətn faylını kopyalayan proqramın nümunəsi:

String src = "c:\\projects\\log.txt";
String dest = "c:\\projects\\copy.txt";

try(FileReader reader = new FileReader(src);
FileWriter writer = new FileWriter(dest))
{
   char[] buffer = new char[65536]; // 128Kb
   while (reader.ready())
   {
      int real = reader.read(buffer);
      writer.write(buffer, 0, real);
   }
}

StringWriter sinfi

Writer sinfinin digər maraqlı irsi sinfi - StringWriter. Burada dəyişkən bir sətir StringBuffer obyekti kimi saxlanılır. Siz StringWriter obyektinə bir şey "yazdığınız" zaman, sadəcə olaraq mətn daxili buferdə əlavə edilir.

Nümunə:

StringWriter writer = new StringWriter();
writer.write("Salam");
writer.write(String.valueOf(123));

String result = writer.toString();

Bu halda StringWriter sinfi əslində StringBuffer üzərində bir obertkadır, lakin StringWriter bir axın sinfi olan Writer sinfinin irsi sinfidir və axın obyektlərindən ibarət zəncirlərdə istifadə edilə bilər. Təcrübədə olduqca faydalı xüsusiyyətdir.

3. PrintStream Sinfi

Çıxış axınlarını da ara axınlardan istifadə edərək zəncir şəklində təşkil etmək olur. Bu ara axınlar verilənləri özlərinə ötürülən hədəf axına yazırlar. Bu axınların qarşılıqlı təsiri ümumi olaraq belə görünür:

Ən maraqlı və çoxfunksiyalı ara çıxış axını — PrintStream. Onun onlərlə metodu və hətta düz 12 konstrukturu var.

PrintStream sinfi FilterOutputStream sinifindən miras alıb, o isə OutputStream sinifindən miras alıb. O səbəbdən PrintStream sinfi valideyn siniflərinin bütün metodlarına və öz metodlarına malikdir. Bunlardan ən maraqlı olanlar:

void print(obj)

void println(obj)

void println()

PrintStream format(String format, args...)

Bəs onlərlə metod haradadır, deyəcəksiniz?

Məsələ ondadır ki, onun print() və println() metodlarının müxtəlif arqumentlərlə çoxlu variantları var. Onları bu cədvələ yığmaq mümkündür.

Bu metodları belə izah etməyəcəyik, çünki siz onsuz da onları yaxşı bilirsiniz. Nəyi nəzərdə tutduğumu düşünürsünüz?

System.out.println() əmrini xatırlayırsınız? Onu iki sətirdə də yazmaq olar:

PrintStream stream = System.out;
stream.println("Salam!");

Salam!

Sevimli System.out.println() əmrimiz — println() metodunun out statik dəyişənində çağırılmasıdır, hansı ki, System sinfinə aiddir. Bu dəyişənin tipi isə PrintStream-dir.

Artıq bir çox səviyyədə siz hər bir tapşırıqda PrintStream sinfinin metodlarını çağırırsınız və bu haqda heç düşünmürsünüz belə!

Praktik Tətbiq

Java-da maraqlı bir sinif var — ByteArrayOutputStream. Bu sinif OutputStream-dən miras alır və dinamik olaraq genişlənə bilən bayt massivi təmsil edir.

ByteArrayOutputStream obyektini və PrintStream obyektini belə bir zəncir şəklində düzəltmək olar:

ByteArrayOutputStream baos = new ByteArrayOutputStream();

try(PrintStream stream = new PrintStream(baos))
{
   stream.println("Salam");
   stream.println(123);
}

String result = baos.toString();

System.out.println(result);

Salam!
123