टास्क्स

"Neeraj is very smart" हे दाखवणारा प्रोग्रॅम लिही. उदाहरणाचे आऊटपुट: Neeraj is very smart

जर प्रोग्रॅमर होणे म्हणजे कूल आहे असे तुला वाटत नसेल, तर तू नक्कीच तसा प्रयत्न अजून केला नसशील. तुझा पहिला प्रोग्रॅम लिहून तसा प्रयत्न करण्याची वेळ आता आली आहे. कोडजिमच्या एका पदवीधारकाने एकदा त्याच्या अवकाशयानाच्या मुख्य भागावर एक वाक्य खरवडून लिहिले होते, ते दर्शवण्यासाठी स्क्रीन आऊटपुट कमांड वापर: "I think being a programmer is cool".

सिक्रेट कोडजिम केंद्रातला प्रत्येक शिक्षक उत्कृष्ट आहे. विद्यार्थ्यांच्या हे सुरुवातीपासूनच (पातळी 0) लक्षात येते, पण ते तसे क्वचितच व्यक्त करतात. पण अगदी मांजराच्या पिल्लालासुद्धा कौतुक केलेले आवडते, हो ना? प्रोग्रॅमिंग शिकवणाऱ्या कोणाचीही सर्वांत चांगली प्रशंसा म्हणजे एक प्रोग्रॅम. आणि जर प्रोग्रॅमने बरोबर वाक्य दर्शवले तर मग ते अमूल्यच असेल! आपण एक कौतुक करणारा प्रोग्रॅम लिहूया.

3126 मध्ये, प्रत्येकाला System.out.println() बद्दल माहिती आहे आणि ते बऱ्याचदा वापरले जाते. केवळ कोडजिमचे विद्यार्थीच या कमांडपासून प्रोग्रॅमिंग शिकायला सुरुवात करत नाहीत. तर अगदी लहान मुलेसुद्धा करतात. माझ्या मित्राच्या जन्माचे खरे वर्ष दर्शवणारा प्रोग्रॅम लिहूया. तो 8 वर्षांपूर्वी जन्माला आला.

जावामध्ये आपण व्हेरीएबलचा थेट वापर सुरू करू शकत नाही! कोणालाच तुम्ही काय करताय ते कळणार नाही. कम्पायलर्सना कळणार नाही आणि ते तुला शिव्याशाप देतील—तू बघशील! जर तू एखादे व्हेरीएबल वापरून काही करायचे ठरवले असशील तर तुला तुझा हेतू सार्वजनिकरीत्या जाहीर करावा लागेल! इंट आणि स्ट्रिंग व्हेरीएबल्स डीक्लेअर करणारा प्रोग्रॅम लिहूया.

सुपर सिक्रेट कोडजिम प्रशिक्षण केंद्रात नेहेमीसारखे धडे आणि मनोरंजक धडे दोन्हीही आहेत. पण नुसते द्यायचे म्हणून हे धडे दिलेले नाहीत. त्यातून तुला तुझ्या भविष्यातल्या रोजगाराच्या क्षेत्राबद्दल भरपूर शिकायला मिळेल. आत्ता वेळ झाली आहे, थोडा आराम करायची आणि तुझ्या भविष्यातल्या सहकाऱ्यांबद्दलचा व्हिडीओ पहायची.

एके दिवशी तू खरा प्रोग्रॅमर होशील, आणि तुला तुझा स्वत:चा (जवळजवळ) टेस्टर असेल. अर्थात, त्याला अजून वेळ आहे, पण एखादी गोष्ट आपण फारच लवकर शिकतोय, असे कधीच नसते: सध्यासाठी, तू एक वाक्य लक्षात ठेवू शकतोस, जे तुझ्या टेस्टरशी बोलताना तुला उपयोगी पडेल! स्क्रीन आऊटपुट कमांड घेऊया आणि उत्साहाने दर्शवूया: "It's not a bug - it's a feature".

सगळ्याच कमेंट्स सारख्या प्रमाणात उपयुक्त नसतात! कधीकधी प्रोग्रॅमरला एखाद्या ओळीबद्दल खात्री नसते आणि त्याला इथे परत यायचे असते, तेव्हा कोडमध्ये कमेंट्स दिसतात. उदाहरणार्थ, या टास्कमध्ये आपल्याला एक अनावश्यक कमेंट दिसते आहे, जी प्रोग्रॅम चुकीच्या पद्धतीने काम करण्यासाठी कारणीभूत आहे. बरोबर उत्तर मिळवण्यासाठी एक ओळ अनकमेंट कर!

2 + 3 = 5 हे उघडच आहे, नाही का? पण आपल्या लक्षात येईल की नेहमीच असे नसते: आपला टेस्ट प्रोग्रॅम समजायला अवघड आहे, कारण एका हुशार प्रोग्रॅमरने त्यात जास्तीच्या ओळी घातल्या आहेत. काय गडबड झाली आहे ती दुरुस्त कर: स्क्रीनवर "2 plus 3 is equal to 5" दाखवण्यासाठी काही ओळी कमेंट आऊट कर.

जावामध्ये व्हेरीएबल्स डीक्लेअर करावेच लागतात, म्हणजेच आपल्याला विशिष्ट प्रकारच्या व्हेरीएबलसाठी रिकामी जागा नेमून द्यावीच लागते. आपण हे केल्यावर मगच एक विशिष्ट मूल्य त्याला देऊ शकतो. आपण हे अक्षरश: एकाच ओळीत करू शकतो, हे बरे आहे. या टास्कमध्ये, तुला अनेक व्हेरीएबल्स डीक्लेअर करायचे आहेत आणि त्यांना लगेचच मूल्य द्यायचे आहे.

नवशिके जावा प्रोग्रॅमर पहिल्यांदा डीक्लेअर(व्हेरीएबल्स) करायला, असाईन करायला (व्हेरीएबल्सना मूल्य), आणि दाखवायला (व्हेरीएबल्स आणि मूल्ये) शिकतात. या टास्कमध्ये, आपण तीनही मूलभूत कौशल्यांचा सराव करूया. स्ट्रिंग व्हेरीएबल तयार करणे, त्याला मूल्य देणे, आणि नंतर तो दाखवणे.

प्रोग्रॅम करायला शिकताना, सुरुवातीला काही काम म्हणजे अनावश्यक पुनरावृत्ती वाटू शकते. हा एक भ्रम आहे: कौशल्य ही फक्त पुनरावृत्ती आहे (बदलांसह) आणि इतर कोणत्याही प्रकारे ते मिळवता येत नाही. त्यामुळे, कुरकुरणे सोड. त्याऐवजी, आपण व्हेरीएबल्स अजून एकदा डीक्लेअर करू. यावेळी आपण तीन व्हेरीएबल्स डीक्लेअर करू आणि त्यांना काही मूल्ये देऊ.